March 28, 2024

Login to your account

Username *
Password *
Remember Me

കായികം

കേപ്‌ടൗണ്‍: ദക്ഷിണാഫ്രിക്കക്കെതിരായ നിര്‍ണായക മൂന്നാം ക്രിക്കറ്റ് ടെസ്റ്റിനിറങ്ങുന്ന ഇന്ത്യന്‍ ടീമിന് ആശ്വാസ വാര്‍ത്ത. പരിക്കുമാറിയ ക്യാപ്റ്റന്‍ വിരാട് കോലി മൂന്നാം ടെസ്റ്റില്‍ ടീമിനെ നയിക്കാനെത്തും. താന്‍ പൂര്‍ണ കായികക്ഷമത വീണ്ടെടുത്തുവെന്നും എന്നാല്‍ രണ്ടാം ടെസ്റ്റിനിടെ പരിക്കേറ്റ പേസ് ബൗളര്‍ മുഹമ്മദ് സിറാജ് പൂര്‍ണ ശാരീരികക്ഷമത വീണ്ടെടുത്തിട്ടില്ലെന്നും വിരാട് കോലി മത്സരത്തലേന്ന് വാര്‍ത്താ സമ്മേളനത്തില്‍ പറഞ്ഞു.
കൊച്ചി: കേരളത്തിലെ സീനിയര്‍ ഹോക്കി താരങ്ങളുടെ സംഘനയുടെ നേതൃത്വത്തില്‍ ഇന്ത്യയെ പ്രതിനിധീകരിച്ച മലയാളികളായ ഹോക്കി താരങ്ങളെ ആദരിക്കും. ജനുവരി 8ന് കൊല്ലം ഹോക്കി സ്റ്റേഡിയത്തില്‍ നടക്കുന്ന ചടങ്ങിലാണ് മുതിര്‍ന്ന ഹോക്കി താരങ്ങളെ ആദരിക്കുന്നത്.
ഇന്ത്യ സ്‌കിൽസ് ദേശീയ മത്സരം ആറ് മുതൽ 10 വരെ ഡൽഹിയിൽ നടക്കും. നേരത്തെ വിശാഖപട്ടണത്തു നടന്ന ദക്ഷിണ മേഖല മത്സരത്തിൽ ഒന്നാമതെത്തിയ കേരളത്തെ പ്രതിനിധീകരിച്ചു യോഗ്യതനേടിയ 41 പേർ ദേശീയ മത്സരത്തിൽ പങ്കെടുക്കും. 16 വീതം സ്വർണം, വെള്ളി മെഡലുകൾ നേടിയാണ് കേരളം പ്രാദേശിക തലത്തിൽ ഒന്നാമതെത്തി ദേശീയ മത്സരത്തിന് യോഗ്യത നേടിയത്. കേരളത്തിനകത്തും പുറത്തുമുള്ള പ്രമുഖ കേന്ദ്രങ്ങളിൽ പരിശീലനം നൽകിയാണ് ഇവരെ ദേശീയ മത്സരത്തിന് സജ്ജരാക്കിയത്. ഇവിടെ വിജയിക്കുന്നവർ ഒക്ടോബറിൽ ചൈനയിൽ നടക്കുന്ന വേൾഡ് സ്‌കിൽ മത്സരത്തിൽ രാജ്യത്തെ പ്രതിനിധീകരിച്ചു പങ്കെടുക്കും.
കൊച്ചി: ഇന്ത്യയിലെ പവർ ബാക്കപ്പ്, ഹോം ഇലക്ട്രിക്കൽ രംഗത്തെ മുൻനിരക്കാരായ ലൂമിനസ് പവർ ടെക്‌നോളജീസ്, പ്രോ കബഡി ലീഗിന്റെ വരാനിരിക്കുന്ന സീസണിൽ തമിഴ് തലൈവാസുമായി ഔദ്യോഗിക സ്പോൺസർഷിപ്പ് പ്രഖ്യാപിച്ചു.
ദേശീയം: രാജ്യത്തെ ബധിര ക്രിക്കറ്റ് കായികരംഗത്ത് വിജയസാദ്ധ്യതയും വളർച്ചയും വർദ്ധിപ്പിക്കുന്നതിനുള്ള ശ്രമങ്ങളുടെ ഭാഗമായി ഇന്ത്യൻ ബധിര ക്രിക്കറ്റ് അസോസിയേഷനുമായി (IDCA) ചേർന്ന് പ്രവർത്തിക്കുന്നതായി കെഎഫ്സി ഇന്ത്യ പ്രഖ്യാപിച്ചു.
കൊച്ചി: ഇന്ത്യയിലെ പ്രമുഖ പൗള്‍ട്രി കമ്പനിയായ സുഗുണ ഫുഡ്‌സിന്റെ പുതുതായി അവതരിപ്പിച്ച ഡെല്‍ഫ്രെസ് ബ്രാന്‍ഡുമായി പങ്കാളിത്തം പ്രഖ്യാപിച്ച് കേരള ബ്ലാസ്‌റ്റേഴ്‌സ് എഫ്‌സി. ഇപ്പോള്‍ നടന്നുകൊണ്ടിരിക്കുന്ന ഐഎസ്എല്‍ 2021-22 സീസണില്‍ ടീമിന്റെ അസോസിയേറ്റ് പങ്കാളികളായിരിക്കും ഡെല്‍ഫ്രെസ്.
കറാച്ചി: ട്വന്റി 20 ക്രിക്കറ്റില്‍ ആദ്യമായി ഒരു ചരിത്ര നേട്ടം സ്വന്തമാക്കി പാകിസ്താന്റെ വിക്കറ്റ് കീപ്പര്‍ ബാറ്റര്‍ മുഹമ്മദ് റിസ്വാന്‍. ഒരു കലണ്ടര്‍ വര്‍ഷത്തില്‍ ട്വന്റി 20 യില്‍ 2000 റണ്‍സ് നേടുന്ന ആദ്യ താരം എന്ന റെക്കോഡാണ് റിസ്വാന്‍ സ്വന്തമാക്കിയത്.വെസ്റ്റ് ഇന്‍ഡീസിനെതിരായ ട്വന്റി 20 മത്സരത്തിനിടെയാണ് റിസ്വാന്‍ ഈ അപൂര്‍വ നേട്ടം സ്വന്തം പേരില്‍ കുറിച്ചത്. 2021-ല്‍ ആകെ 2036 റണ്‍സാണ് റിസ്വാന്‍ നേടിയത്. 18 അര്‍ധശതകങ്ങള്‍ ഉള്‍പ്പെടെയാണിത്.
കൊച്ചി: സംസ്ഥാനത്ത് ആദ്യമായി നടക്കുന്ന കേരള സ്റ്റേറ്റ് ഒളിംപിക് ഗെയിംസിന് മുന്നോടിയായി ജില്ലാ തല മത്സരങ്ങള്‍ ജനുവരി 8 മുതല്‍ 16 വരെ നടക്കും. ജില്ലയിലെ വിവിധ വേദികളില്‍ 24 കായിക ഇനങ്ങളിലാണ് മത്സരങ്ങള്‍ നടക്കുക. 8ന് കടവന്ത്ര രാജീവ് ഗാന്ധി ഇന്‍ഡോര്‍ സ്‌റ്റേഡിയത്തില്‍ വെച്ച് ജില്ലാ തല മത്സരങ്ങളുടെ ഉത്ഘാടനം നടക്കും.
അവസാന ലാപ്പ് ഷൂട്ട് ഔട്ടില്‍ പുത്തന്‍ ടയറുകളുടെ കരുത്തില്‍ ഹാമില്‍ട്ടനെ ഞെട്ടിച്ച് വെര്‍സ്റ്റപ്പന്റെ വിജയം. പതിനേഴാം വയസ്സില്‍ ഫോര്‍മുല വണ്ണിലെത്തിയ വെര്‍സ്റ്റാപ്പന്റെ ആദ്യ ചാംപ്യന്‍ഷിപ്പാണിത്. അബുദാബി ഗ്രാന്‍പ്രീയുടെ അവസാനലാപ്പിൽ ലൂയിസ് ഹാമില്‍ട്ടനെ പിന്തള്ളിയാണ് മാക്‌സ് വെര്‍സ്റ്റപ്പന്‍ കിരീടം ഉറപ്പിച്ചത്.