ബജാജ് അലയന്‍സ് ലൈഫ് പ്രതിരോധ സേനകളിലും കേന്ദ്ര സായുധ പോലീസ് സേനകളിലുമുള്ളവര്‍ക്ക് സാമ്പത്തിക സുരക്ഷ ഉറപ്പാക്കാന്‍ സഹായിക്കുന്ന പദ്ധതിയായ വീര്‍ അവതരിപ്പിച്ചു. ഈ പുതിയ പദ്ധതിയുടെ ഭാഗമായി നവീനമായ ലൈഫ് ഇന്‍ഷുറന്‍സ് പദ്ധതികളും പ്രത്യേക സേവനങ്ങളും നല്‍കി സായുധ സേനാംഗങ്ങളുടെ ദീര്‍ഘകാല ജീവിത ലക്ഷ്യങ്ങള്‍ കൈവരിക്കുവാന്‍ സഹായിക്കും.

ഇന്ത്യയിലെ ഏറ്റവും പ്രിയങ്കരവും വിശ്വസനീയവുമായ പിസ്സ ബ്രാന്‍ഡായ പിസ്സ ഹട്ട് 12 പുതിയ ഫ്‌ലേവറില്‍ പിസ പുറത്തിറക്കി. 79 രൂപയാണ് തുടക്കം. തന്തൂരി, ഷെസ്വാന്‍, ഇറ്റാലിയന്‍, ചീസി, ക്ലാസിക് എന്നിങ്ങനെ 5 സോസ് ഫ്‌ലേവറുകളിലാണ് ഈ ശ്രേണി വരുന്നത്.

ഹോണ്ട മോട്ടോര്‍സൈക്കിള്‍ 2025 ഓടെ ആഗോള തലത്തില്‍ പത്തോ അതിലേറെയോ വൈദ്യത മോഡലുകള്‍ പുറത്തിറക്കും. അടുത്ത അഞ്ചു വര്‍ഷങ്ങളില്‍ വൈദ്യുത മോഡലുകളുടെ വാര്‍ഷിക വില്‍പന പത്തു ലക്ഷം വാഹനങ്ങളാക്കാനും 2030-ഓടെ ആകെ വില്‍പനയുടെ 15 ശതമാനം വരുന്ന 35 ലക്ഷം വാഹനങ്ങളായി വില്‍പന ഉയര്‍ത്താനും കമ്പനി ലക്ഷ്യമിടുന്നു.

കാർവന്റെ മികച്ച വിജയത്തിന് ശേഷം പ്രീ-ലോഡ് ചെയ്ത പാട്ടുകളെന്ന കിടിലന്‍ സവിശേഷതയുള്ള ആദ്യ കീപാഡ് ഫോണ്‍ പുറത്തിറക്കി പ്രമുഖ ഫോണ്‍ കമ്പനിയായ സരിഗമ. അനായാസം തിരഞ്ഞെടുക്കാവുന്ന 1500 പാട്ടുകള്‍ ഉള്‍ക്കൊള്ളിച്ചിരിക്കുന്ന 'കാര്‍വാന്‍ മൊബൈല്‍' സംഗീതപ്രേമികളുടെ മനസറിഞ്ഞാണ് ഒരുക്കിയിരിക്കുന്നത്.