തിരു: അലത്തറ ഗ്രിഗ്ഗോറിയൻ കോളേജ് കോമേഴ്‌സ് വിഭാഗത്തിൽ പ്രവർത്തിക്കുന്ന ഇ.ഡി. ക്ലബ്ബിന്റെയും തിരു. ജില്ലാ വ്യവസായ കേന്ദ്രത്തിന്റെയും ആഭിമുഖ്യത്തിൽ സംരംഭകത്വ ബോധവത്കരണ പരിപാടി സംഘടിപ്പിച്ചു. ബുധനാഴ്ച രാവിലെ 9 :30 ന് ഔപചാരിക ഉദ്‌ഘാടനം തിരു.ജില്ലാ വ്യവസായ കേന്ദ്രം മാനേജർ വി.എസ്. ശരത് നിർവഹിച്ചു.

കോളേജ് കോമേഴ്‌സ് വിഭാഗം മേധാവി ഡോ. കെ.മനോഹരൻ നായരുടെ സ്വാഗതാശംസയോടെ ആരംഭിച്ച പരിപാടിയിൽ പ്രിൻസിപ്പൽ ഡോ.ഗോപകുമാർ അധ്യക്ഷത  വഹിക്കുകയും റവ. ഫാദർ ജോസ് ചാക്കോ ആശംസ അർപ്പിക്കുകയും ചെയ്‌തു.

ഇ.ഡി.ക്ലബ്ക് കോഓർഡിനേറ്റർ അസ്സി. പ്രൊഫ്. അനില മോഹന്റെ നന്ദി പ്രകാശനത്തിന് ശേഷം ഡോ. പ്രേംകുമാർ, അഖിൽ രാജ് തുടങ്ങിയവർ സംരംഭകത്വ ബോധവത്കരണ ക്ലാസുകൾ എടുത്തു. നൂറോളം പേർ ചടങ്ങിൽ പങ്കെടുത്തു.