ബഹ്‌റൈൻ: ഏഷ്യൻ അണ്ടർ 20 പുരുഷ വോളിബോൾ ചാമ്പ്യൻഷിപ്പിൽ ഇന്ത്യക്ക് വെള്ളി. ഫൈനലിൽ കരുത്തരായ ഇറാനോട്‌ ഒന്നിനെതിരെ മൂന്ന്‌ സെറ്റുകൾക്ക്‌ കീഴടങ്ങി. സ്‌കോർ: 12–--25, 19–-25, 25–-22, 15–-25. ഇരുപത്‌ വർഷത്തിനുശേഷം ആദ്യമായാണ്‌ കിരീടപ്പോരാട്ടത്തിന്‌ ഇറങ്ങിയത്‌.
മൂന്നാം ഫൈനലായിരുന്നു. 1994ലും 2002ലും തോറ്റു. ടൂർണമെന്റിന്റെ ചരിത്രത്തിൽ ആറ്‌ മെഡലുകളുണ്ട്‌ ഇന്ത്യക്ക്. മൂന്ന്‌ വെള്ളി കൂടാതെ മൂന്ന്‌ വെങ്കലവുമുണ്ട്‌. 1980ലായിരുന്നു ആദ്യ വെങ്കലനേട്ടം. ടീം മാനേജരായ പ്രൊഫ. നാലകത്ത് ബഷീറാണ് ഏകമലയാളി സാന്നിധ്യം.
