തിരു: തിരുവനന്തപുരം പ്രസ് ക്ലബിൻ്റെ ഓണാഘോഷവും ഓണക്കിറ്റ് വിതരണവും മന്ത്രി വി. ശിവൻകുട്ടി ഉദ്ഘാടനം ചെയ്തു. 650 മാദ്ധ്യമപ്രവർത്തകർക്കാണ് ഓണക്കിറ്റും ഓണക്കോടിയും വിതരണം ചെയ്യുന്നത്. പ്രസ് ക്ലബ് പ്രസിഡൻ്റ് എം. രാധാകൃഷ്ണൻ അദ്ധ്യക്ഷനായിരുന്നു. സെക്രട്ടറി എച്ച്. ഹണി സ്വാഗതവും സംഘാടക സമിതി ചെയർമാൻ ജോൺ പി. തോമസ് നന്ദിയും പറഞ്ഞു. മുതിർന്ന മാധ്യമ പ്രവർത്തകരായ കെ. പ്രഭാകരൻ, വി. പ്രതാപചന്ദ്രൻ നായർ എന്നിവരെ ചടങ്ങിൽ ആദരിച്ചു. യു. വിക്രമൻ, ജി. ശേഖരൻ നായർ, ജി. സുഭാഷ്, ഉഷ ശശി, അജി ബുധന്നൂർ, സജിത് വഴയില എന്നിവർ പങ്കെടുത്തു.