കോഴിക്കോട്: നവംബര് 8, 2022: സ്റ്റീല് നിര്മാണ വ്യവസായത്തിലെ പ്രമുഖ സ്റ്റീല് ഡീറ്റൈലിങ് സ്ഥാപനമായ ക്രോണസ് സ്റ്റീല് ഡീറ്റൈലിങ് പ്രൈവറ്റ് ലിമിറ്റഡ് സൈബര്പാര്ക്കില് ഓഫീസ് ആരംഭിച്ചു. കോഴിക്കോട് നഗരത്തിന്റെ വികസന സാധ്യതകളും മലബാറിന്റെ ഐ.ടി കുതിപ്പും പ്രതിഭകളുടെ ലഭ്യതയും കണ്ടറിഞ്ഞാണ് സൈബര്പാര്ക്കില് ഓഫീസ് തുടങ്ങാന് ക്രോണസ് സ്റ്റീല് തീരുമാനിച്ചത്.
സൈബര്പാര്ക്കിലെ സഹ്യ ബില്ഡിങ്ങില് ആരംഭിച്ച ഓഫീസ് ക്രോണസ് സ്റ്റീല് സ്ഥാപകരായ ജയഘോഷ് രാജേന്ദ്രനും വിനയദാസ് വിജയനും ചേര്ന്നാണ് ഉദ്ഘാടനം നിര്വഹിച്ചത്. സൈബര്പാര്ക്ക് ജനറല് മാനേജര് വിവേക് നായര്, അഡ്വ. ശ്രീകുമാര്, പ്രൊഫ. സജീവ് പി.എസ് എന്നിവര് ചടങ്ങില് വിശിഷ്ടാതിഥികളായി പങ്കെടുത്തു.
