കേരള - കര്ണാടക - ലക്ഷദ്വീപ് തീരങ്ങളില് സെപ്റ്റംബര് അഞ്ചിനും ആറിനും മണിക്കൂറില് 40 മുതല് 50 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളതിനാല് ഈ ദിവസങ്ങളില് മത്സ്യത്തൊഴിലാളികള് കടലില് പോകരുതെന്നു ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
തെക്കു പടിഞ്ഞാറന്, മധ്യ പടിഞ്ഞാറന് അറബിക്കടലില് ഇന്നു(സെപ്റ്റംബര് 02) മുതല് ആറു വരെ മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി.മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളതിനാല് ഈ ദിവസങ്ങളില് ഈ പ്രദേശങ്ങളില് മത്സ്യബന്ധനത്തിനു പോകരുതെന്നും കളക്ടര് അറിയിച്ചു.
