ബെംഗളൂരു: ലക്ഷക്കണക്കിന് ഇന്ത്യക്കാർ ദിവസവും ഉപയോഗിക്കുന്ന ഏകീകൃത ദേശീയ റെയിൽവേ ഹെൽപ്പ്ലൈൻ നമ്പറായ 139 ഇപ്പോൾ ട്രൂകോളർ ബിസിനസ് ഐഡന്റിറ്റി സൊലൂഷനുകൾ പരിശോധിച്ചുറപ്പിച്ചതാണ്. ഇനി മുതൽ ഹെൽപ്പ്ലൈൻ നമ്പറായ 139-ലേയ്ക്ക് വിളിക്കുമ്പോൾ പരിശോധിച്ചുറപ്പിച്ച ഒരു പച്ച ബിസിനസ് ബാഡ്‌ജ് ലോഗോ കാണും. മാത്രമല്ല ഐആർസിടിസിയിൽ നിന്ന് മാത്രമാണ് ബുക്കിംഗ്, മറ്റ് യാത്രാ വിവരങ്ങൾ എന്നിവയെക്കുറിച്ചുള്ള കമ്മ്യൂണിക്കേഷൻ ലഭിക്കുന്നത് എന്ന് ഉറപ്പാക്കാൻ ഉപഭോക്താക്കൾക്ക് പരിശോധിച്ചുറപ്പിച്ച എസ്എംഎസ് സന്ദേശ തലക്കെട്ടുകൾ ലഭിക്കുന്നു. സുരക്ഷിതമായ ഉപഭോക്തൃ അനുഭവത്തിനായും തട്ടിപ്പുകൾ കുറയ്ക്കുന്നതിനും ട്രൂകോളറിലെ പരിശോധിച്ചുറപ്പിച്ച ടിക്ക് മാർക്ക് ഐക്കണിൽ ഇന്ത്യൻ റെയിൽവേയുടെ ബ്രാൻഡ് പേരും പ്രൊഫൈൽ ഫോട്ടോയും ഉൾപ്പെടുത്തും.