തിരുവനന്തപുരം: കിംസ്ഹെൽത്തിൽ മൂന്ന് സൂപ്പർ സ്പെഷ്യാലിറ്റി കോഴ്സുകളിൽ കൂടി പി.ജി. പരിശീലനത്തിന് നാഷണൽ ബോർഡ് ഒഫ് എക്സാമിനേഷൻസ് ഇൻ മെഡിക്കൽ സയൻസസിന്റെ (എൻ.ബി.ഇ.എം.എസ്) അംഗീകാരം. റുമറ്റോളജി ആൻഡ് ക്ളിനിക്കൽ ഇമ്മ്യൂണോളജി, ഇന്റർവെൻഷണൽ റേഡിയോളജി എന്നീ ഡി.ആർ.എൻ.ബി കോഴ്സുകൾക്കും ഇൻഫക്ഷ്യസ് ഡിസീസ് ഫെലോഷിപ്പ് കോഴ്സിനുമാണ് അംഗീകാരം.
ഇതോടെ എൻ.ബി.ഇ.എം.എസ് അംഗീകൃത 25 കോഴ്സുകളിലായി (ഡി.എൻ.ബി., ഡി.ആർ.എൻ.ബി., എഫ്.എൻ.ബി) 78 പി.ജി വിദ്യാർത്ഥികളെ എല്ലാവർഷവും കിംസ്ഹെൽത്തിന് പ്രവേശിപ്പിക്കാം. മെഡിക്കൽ കൗൺസലിംഗ് കമ്മിറ്റിയാണ് (ന്യൂഡൽഹി) ദേശീയതലത്തിൽ പ്രവേശനം കൈകാര്യം ചെയ്യുന്നത്.
