ന്യൂഡൽഹി/ഹൈദരാബാദ്: വ്യാവസായിക ഉപഭോക്താക്കൾക്ക് കാർബൺ രഹിത വൈദ്യുതി എത്തിക്കുന്നതിന് 1500 മെഗാവാട്ട് സംഭരണ ശേഷിക്കായി സെറെൻറ്റിക്ക റിന്യൂവബിൾസ് ഗ്രീൻകോ ഗ്രൂപ്പുമായി പങ്കാളികളാകുന്നു. ഈ പങ്കാളിത്തത്തിന്റെ ഭാഗമായി, ഗ്രീൻകോയുടെ ഊർജ്ജ സംഭരണശേഷിയെ ആന്ധ്രാപ്രദേശിലെ പിണ്ണപുരത്തും മധ്യപ്രദേശിലെ ഗാന്ധി സാഗറിലും വരാനിരിക്കുന്ന ഓഫ് സ്ട്രീം ക്ലോസ്ഡ് ലൂപ്പ് പമ്പ്ഡ് സ്റ്റോറേജ് പ്രോജക്റ്റുകളിൽ (OCPSP) സെറെൻറ്റിക്ക പ്രയോജനപ്പെടുത്തും. ഈ ക്രമീകരണം സെറെൻറ്റിക്കയെ അതിൻ്റെ വിവിധ വ്യാവസായിക ഉപഭോക്താക്കൾക്ക് മുഴുവൻ സമയവും പുനരുപയോഗ ഊർജ്ജം എത്തിക്കാൻ പ്രാപ്തമാക്കും.
സെറെൻറ്റിക്ക വ്യാവസായിക ഡീകാർബണൈസേഷനിൽ ശ്രദ്ധ കേന്ദ്രീകരിച്ചു കൊണ്ട് സൗരോർജ്ജം, കാറ്റ്, ഊർജ്ജ സംഭരണം, ബാലൻസിങ് സൊല്യൂഷനുകൾ എന്നിവയുടെ സംയോജനത്തിലൂടെ പുനരുപയോഗിക്കാവുന്നതുമായ ഊർജം ലഭ്യമാക്കാൻ ലക്ഷ്യമിടുന്നു. നിലവിൽ, കമ്പനി മൂന്ന് ദീർഘകാല പവർ പർച്ചേസ് കരാറുകളിൽ (പിപിഎ) ഏർപ്പെട്ടിട്ടുണ്ട് കൂടാതെ കർണാടക, രാജസ്ഥാൻ, മഹാരാഷ്ട്ര എന്നിവയുൾപ്പെടെ വിവിധ സംസ്ഥാനങ്ങളിലായി ~ 1,500 മെഗാവാട്ട് സൗരോർജ്ജ, കാറ്റ് വൈദ്യുതി പദ്ധതികൾ വികസിപ്പിക്കാനുള്ള പ്രക്രിയയിലുമാണ്. ആഗോള നിക്ഷേപ സ്ഥാപനമായ കെകെആറിൽ നിന്ന് 400 മില്യൺ ഡോളറിന്റെ നിക്ഷേപ കരാർ സെറെൻറ്റിക്ക അടുത്തിടെ പ്രഖ്യാപിച്ചിരുന്നു.
സഹകരണത്തെക്കുറിച്ച് അഭിപ്രായപ്പെട്ട സെറെൻറ്റിക്ക റിന്യൂവബിൾസ് ഡയറക്ടർ പ്രതീക് അഗർവാൾ പറഞ്ഞു, “പുതിയതും തെളിയിക്കപ്പെട്ടതുമായ സ്റ്റോറേജ് സാങ്കേതികവിദ്യകളുടെ പ്രോത്സാഹനത്തിലൂടെ പുനരുപയോഗിക്കാവുന്ന ഊർജ്ജത്തിന്റെ ഉപയോഗം സുഗമമാക്കുന്നത് ഇന്ത്യയിൽ വലിയ തോതിലുള്ള ഡീകാർബണൈസേഷനെ സഹായിക്കും. കാർബൺ ന്യൂട്രൽ ഭാവിയിലേക്കുള്ള ഇന്ത്യയുടെ ഊർജ പരിവർത്തനം ത്വരിതപ്പെടുത്താനുള്ള ഞങ്ങളുടെ ശ്രമത്തിൽ ഗ്രീൻകോയുമായി സഹകരിക്കുന്നതിൽ ഞങ്ങൾ സന്തുഷ്ടരാണ്. സുസ്ഥിര ഊർജത്തിലേക്ക് മാറുന്നതിലും പുനരുപയോഗ ഊർജ്ജം പ്രദാനം ചെയ്യുന്നതിൽ ഞങ്ങളുടെ ഉപഭോക്തൃ ആവശ്യങ്ങൾ ഏറ്റവും നന്നായി നിറവേറ്റുന്ന ഒരു ഇഷ്ടാനുസൃത പരിഹാരം നൽകാൻ സംഭരണ ശേഷി ഞങ്ങളെ പ്രാപ്തരാക്കും."
ഗ്രീൻകോ സ്ഥാപകനും മാനേജിംഗ് ഡയറക്ടറുമായ അനിൽ ചലമലസെറ്റി പറഞ്ഞു: "വ്യാവസായിക ഡീകാർബണൈസേഷനിൽ ഗ്രീൻകോ ആദ്യത്തെ മുന്നേറ്റത്തിൽ ഒന്നാണ്, അത്തരം പരിഹാരങ്ങൾ പ്രാപ്തമാക്കുന്നതിൽ മറ്റ് RE ഡെവലപ്പർമാരുമായി സഹകരിക്കുന്നതിൽ സന്തോഷമുണ്ട്. ഊർജ്ജ സംഭരണ പിന്തുണയുള്ള കാർബൺ രഹിത ഊർജ്ജ പരിഹാരങ്ങളുടെ ദീർഘകാല സുസ്ഥിരതയുടെ മറ്റൊരു ഉദാഹരണമാണ് സെറന്റിക്കയുമായുള്ള ഞങ്ങളുടെ കരാർ. കാർബൺ രഹിത ഊർജ്ജ പരിഹാരമാണ് മുന്നോട്ടുള്ള വഴിയെന്ന് ഞങ്ങൾ ശക്തമായി വിശ്വസിക്കുന്നു."
