കൊച്ചി: ഫെഡറല് ബാങ്ക് സ്ഥാപകൻ കെ പി ഹോര്മിസിന്റെ സ്മരണാര്ത്ഥം ഏര്പ്പെടുത്തിയ ഹോര്മിസ് മെമോറിയല് ഫൗണ്ടേഷന് സ്കോളര്ഷിപ്പിന് അപേക്ഷിക്കാനുള്ള അവസാന തീയതി ജനുവരി 31 വരെ നീട്ടി. കേരളം, തമിഴ്നാട്, ഗുജറാത്ത്, മഹാരാഷ്ട്ര എന്നീ സംസ്ഥാനങ്ങളില് നിന്നുള്ള വിദ്യാര്ഥികള്ക്കാണ് ഈ സ്കോളര്ഷിപ്പ് നല്കുന്നത്. ഫീസും മറ്റു ചെലവുകളും ഉൾപ്പെടെ പ്രതിവര്ഷം പരമാവധി ഒരു ലക്ഷം രൂപ വരെയാണ് ലഭിക്കുക.
എംബിബിഎസ്, എന്ജിനീയറിംഗ്, ബിഎസ്സി നഴ്സിംഗ്, എംബിഎ, കാര്ഷിക സര്വകലാശാലയ്ക്കു കീഴിലുള്ള ബിഎസ്സി അഗ്രികള്ചര്, ബിഎസ്സി (ഓണേഴ്സ്) കോ-ഓപറേഷന് & ബാങ്കിങ് വിത്ത് അഗ്രികള്ച്ചര് സയന്സസ് എന്നീ കോഴ്സുകള്ക്ക് സര്ക്കാര്/ എയ്ഡഡ്/ സര്ക്കാര് അംഗീകൃത സ്വാശ്രയ സ്ഥാപനങ്ങളില് മെരിറ്റ് അടിസ്ഥാനത്തില് പ്രവേശം ലഭിച്ചവര്ക്കാണ് സ്കോളര്ഷിപ്പ് ലഭ്യമാക്കിയിരിക്കുന്നത്.
