തൃശൂർ: ഓണം ആഘോഷങ്ങളോടനുബന്ധിച്ച് ചില്ലറവിൽപ്പനയ്ക്കായി മാഹിയിൽ നിന്നും കൊണ്ടുവന്ന 50 ലക്ഷം രൂപ വിലമതിക്കുന്ന അനധികൃത വിദേശ മദ്യവുമായി രണ്ട് യുവാക്കൾ പിടിയിൽ. 3600 ലിറ്റർ മദ്യമാണ് പിടികൂടിയിരിക്കുന്നത്.
കഴക്കൂട്ടം സ്വദേശി കൃഷ്ണ പ്രകാശ് (24), കല്ലുവാതുക്കൽ സജി (59) എന്നിവർ ആണ് പിടിയിലായത്. വിവിധ ബ്രാൻുകളിലുള്ള 3,600 ലിറ്റർ അനധികൃത വിദേശമദ്യം, വാഹനം എന്നിവ പിടിച്ചെടുത്തിട്ടുണ്ട്. എറണാകുളം, ആലപ്പുഴ ജില്ലകളിലേക്കാണ് പ്രതികൾ മദ്യം കടത്താനിരുന്നത്.
തൃശൂർ റൂറൽ ജില്ലാ പൊലീസ് മേധാവി ഐശ്വര്യ ഡോങ്റെയ്ക്ക് ലഭിച്ച വിവരത്തിന്റെ അടിസ്ഥാനത്തിലാണ് പൊലീസ് തെരച്ചിൽ നടത്തിയത്. കൊടുങ്ങല്ലൂർ ഡിവൈഎസ്പിയുടെ നേതൃത്വത്തിലുള്ള സംഘമാണ് വിദേശമദ്യവേട്ട നടത്തിയത്.
