ഏപ്രിൽ 22 മുതൽ 30 വരെ എറണാകുളത്ത് നടക്കുന്ന സഹകരണ എക്സ്പോ 2023 ന്റെ ഭാഗമായി 19ന് വിളംബര ദിനം എല്ലാ ജില്ലകളിലും വിവിധ പരിപാടികളോടെ സംഘടിപ്പിക്കും. സഹകരണ സ്ഥാപനങ്ങളിലും ഓഫീസുകളിലും രാവിലെ പതാക ഉയർത്തും. ഉച്ചയ്ക്ക് ശേഷം സഹകരണ സംഘം രജിസ്ട്രാർ ഓഫീസിൽ സഹകരണ കോളേജുകളിലെയും വിദ്യാഭ്യാസ സ്ഥാപനങ്ങളിലെയും വിദ്യാർത്ഥികളുടെ സംഘഗാനം, നാടൻപാട്ട്, സംഘനൃത്തം എന്നിവ നടക്കും. സഹകരണ സംഘം രജിസ്ട്രാർ ടി. വി. സുഭാഷ് ഉദ്ഘാടനം നിർവഹിക്കും. ജില്ലാ സഹകരണ സംഘം ജോ. രജിസ്ട്രാർ (ജനറൽ) ഇ. നിസാമുദ്ദീൻ സമ്മാനദാനം നിർവഹിക്കും. തിരുവനന്തപുരം തമ്പാനൂർ ബസ് ടെർമിനൽ, പാളയം ജംഗ്ഷൻ, കനകക്കുന്ന് എന്നിവിടങ്ങളിൽ സഹകരണ വിദ്യാഭ്യാസ സ്ഥാനങ്ങളിലെ വിദ്യാർത്ഥികളുടെ ഫ്ളാഷ് മോബ് നടക്കും.
