അതിസമ്പന്നരുടെ പ്രിയപ്പെട്ട വിവാഹ വേദിയായി മാറുകയാണ് ബാന്ദ്ര കുർള കോംപ്ലക്‌സിൽ സ്ഥിതി ചെയ്യുന്ന ജിയോ ഗാർഡൻ. ഇന്ത്യയിലെ ഏറ്റവും ധനികനായ മുകേഷ് അംബാനിയുടെ ഉടമസ്ഥതയിലുള്ള ജിയോ വേൾഡ് ഗാർഡൻ മുംബൈയിലെ ഏറ്റവും ചെലവേറിയ ആഡംബര വെന്യു ആണ്. മാർച്ച് 6 ന് ജിയോ വേൾഡ് സെന്ററിൽ ധീരുഭായ് അംബാനി സ്ക്വയർ നിത അംബാനിയാണ് ഉദ്ഘാടനം ചെയ്തത്. അഞ്ച് ലക്ഷം ചതുരശ്ര അടിയിൽ പരന്നുകിടക്കുന്ന ഇത് ഇന്ത്യയിലെ ഏറ്റവും വലിയ കൺവെൻഷൻ സെന്ററാണ് ഇത്. ഈ സ്ഥലം ഒരു ദിവസത്തേക്ക് വാടകയ്ക്ക് എടുക്കുന്നതിന് 15 ലക്ഷം രൂപയാണ് ചെലവ്. ഇവന്റ് ഇല്ലാത്ത ദിവസം ഇവിടം ഇത് സന്ദർശകർക്കായി തുറന്നിരിക്കും. വെറും 10 രൂപ അടച്ച് ആർക്കും സമുച്ചയം സന്ദർശിക്കാം.
